Кӯмак дар гирифтани патент

Чӣ тавр шаҳрвандони Тоҷикистон метавонанд патенти кориро дар Русия таҳия ва бо он кор кунанд: дастури қадам ба қадам

Шаҳрвандони Тоҷикистон метавонанд бидуни раводид дар Русия кору фаъолият кунанд, вале барои ин бояд патенти корӣ таҳия кунанд — ҳуҷҷате, ки ҳаққи кор кардан дар Федератсияи Русияро тасдиқ мекунад. Барои вайрон кардани мӯҳлати муроҷиат барои гирифтани патент шаҳрванди хориҷӣ метавонад аз 10 то 15 ҳазор рубл ҷаримабандӣ шавад.

Қадам 1. Воридшавӣ ва рӯзҳои аввал дар Русия

Пас аз ворид шудан ба Русия, шумо 15 рӯз мӯҳлат доред, ки дар муҳоҷират сабти ном кунед (қайдгирии муваққатӣ). Бақайдгирии дуруст ва қонунӣ барои муҳоҷират аз ҷониби қабулкунанда - корфармо ё шахси воқеие, ки муҳоҷир пеши он омадааст, сурат мегирад.

Қадам 2. Мӯҳлати пешниҳод кардани ҳуҷҷат барои патент

Дар муддати 30 рӯзи тақвимӣ пас аз ворид шудан ба Русия, шаҳрванд бояд шахсан ҳозир шуда, ҳуҷҷатҳои лозимиро барои гирифтани патент ба шуъбаи муҳоҷират пешниҳод намояд.

Қадам 3. Таҳияи ҳуҷҷатҳо

Барои гирифтани патент бояд ҳуҷҷатҳои зерин омода карда шаванд:

• Шиноснома ва тарҷумаи нотариалии он ба забони русӣ
• Корти муҳоҷират бо нишони мақсади вуруд “кор” ва маркази гузаргоҳ (тамғаи вуруд)
• Шартномаи (полиси) суғуртаи ихтиёрии тиббӣ, ки дар қаламрави Федератсияи Русия амал мекунад

Қадам 4. Санҷиши тиббӣ ва саволнома

Шаҳрванди хориҷӣ бояд полиси суғуртаи ихтиёрии тиббӣ таҳия кунад ва инчунин аз муоинаи тиббӣ гузарад. Ҳуҷҷати тасдиқкунандаи донистани забони русӣ, таърихи Русия ва асосҳои қонунгузории Федератсияи Русияро пешниҳод кардан лозим аст. Агар ӯ шаҳодатномаи хатми синфи 11 ё дипломи дар қаламрави Федератсияи Русия ё собиқ Иттиҳоди Шӯравӣ додашуда надошта бошад, пас ӯ бояд барои гирифтани шаҳодатнома имтиҳон супорад.

Қадам 5. Пардохти патент

Дар соли 2025 пешпардохти собит аз рӯи андоз аз даромад барои гирифтани патенти корӣ ба таври зерин ҳисоб карда мешавад: коэффисиенти минтақавӣ 1200 x 2,594 x. Дар Москва ва вилояти Москва моҳе 8900 рублро ташкил медихад. Шумо инчунин бояд боҷи давлатӣ пардохт кунед - 4000 рубл.

Қадами 6. Пешниҳоди ҳуҷҷатҳо ва гирифтани патент

Ҳуҷҷатҳо ба воҳидҳои ҳудудии Сарраёсати муҳоҷирати Вазорати корҳои дохилии Русия пешниҳод карда мешаванд. Мӯҳлати пешниҳоди патент – то 15 рӯзи корӣ аст.

Нуқтаҳои муҳим пас аз гирифтани патент:

1. Дар давоми 2 моҳ шумо бояд бо корфармо шартномаи меҳнатӣ ё шаҳрвандӣ баста, нусхаи онро ба Хадамоти федералии муҳоҷирати Русия фиристед
2. Патентро метавон тамдид кард, аммо на бештар аз 12 моҳ. Барои тамдид ба шумо лозим нест, ки ба Хадамоти федералии муҳоҷират муроҷиат кунед. Ба шумо танҳо лозим аст, ки пардохтҳои собитро сари вақт ба наҷом расонед
3. Бақайдгирии муҳоҷират барои патент бояд дар давоми 3 рӯзи корӣ аз рӯзи пардохти навбатии патент тамдид карда шавад

Маслиҳатҳои муфид:

• Патентро наметавон бо ваколатнома гирифт —муҳоҷир бояд шахсан барои он муроҷиат намояд.
• Патент ба минтақаи мушаххаси Федератсияи Русия вобастагӣ дорад. Агар шумо хоҳед, ки дар минтақаи дигар кор кунед, бояд ки патенти худро дар мақомоти Хадамоти федералии муҳоҷирати минтақаи дигар таҳия кунед
• Пардохти ҳармоҳаи андоз аз даромад бояд пешакӣ, беҳтараш 3-4 рӯз пеш аз санаи додани патент анҷом дода шавад

Арзиши умумии гирифтани патент бори аввал вобаста ба минтақа тақрибан 17-30 ҳазор рублро ташкил медиҳад (аз ҷумла боҷи давлатӣ, муоинаи тиббӣ, санҷиш ва пешпардохти аввал).

---

Бозгашт